អង់គ្លេស៖ កាលវិភាគប្រកួតដ៏មមាញឹករបស់ក្រុមកាំភ្លើងធំ Arsenal នៅក្នុងក្របខណ្ឌ Premier League បានបញ្ចេញជាផ្លូវការហើយ ខណៈក្រុមម្ចាស់ពានមាសជើងឯកលីគកំពូលអង់គ្លេសឆ្នាំ២០០៤ ខាងលើនេះ ពុំមានការប្រកួតក្របខណ្ឌអឺរ៉ុបផ្សេងទៀតឡើយ ក្រៅពីការផ្តោតលើពាន Premier League, FA Cup និងពាន Carabao Cup នោះឡើយ។

យ៉ាងណាមិញ មុនឈានដល់ការប្រកួតផ្លូវការនាខែសីហាខាងមុខនេះ Arsenal បានរៀបចំនូវកាលវិភាគប្រកួតមិត្តភាព Pre-Season កំដៅសាច់ដុំរបស់ខ្លួនផងដែរ ដោយចាប់ផ្តើមពីថ្ងៃទី១៣ ខែកក្កដាខាងមុខនេះតទៅតែម្តង។ ចំពោះកាលវិភាគប្រកួត Pre-Season របស់ក្រុម Arsenal មានដូចខាងក្រោម។

ថ្ងៃទី១៣ ខែកក្កដា៖ Arsenal ប្រកួតជាមួយ Hibernian កីឡដ្ឋាន Easter Road។

ថ្ងៃទី១៧ ខែកក្កដា៖ Arsenal ប្រកួតជាមួយ Rangers កីឡដ្ឋាន Ibrox។

ថ្ងៃទី២៥ ខែកក្កដា៖ Arsenal ប្រកួតជាមួយ Inter Milan កីឡដ្ឋាន Camping World រដ្ឋ Florida សហរដ្ឋអាមេរិក។

ថ្ងៃទី២៨ ខែកក្កដា៖ Arsenal ប្រកួតជាមួយ Everton/Millonarios កីឡដ្ឋាន Camping World រដ្ឋ Florida សហរដ្ឋអាមេរិក។

ថ្ងៃទី១ ខែសីហា៖ Arsenal ប្រកួតជាមួយ Chelsea កីឡដ្ឋាន Emirates។

និងចុងក្រោយនៅថ្ងៃទី០៨ ខែសីហា៖ Arsenal ប្រកួតជាមួយ Tottenham Hotspurs កីឡដ្ឋាន Tottenham Hotspurs ។

ដោយឡែក សម្រាប់ការប្រកួតពានជើងឯកលីគកំពូលអង់គ្លេស English Premier League វិញ Arsenal នឹងត្រូវបើកឆាកជួបជាមួយក្រុមឡើងមកពីលីគទី២ Brentford នៅថ្ងៃទី១៣ ខែសីហា នៅកីឡដ្ឋាន Griffin Park៕